سياسة الخصوصية — ETA Bridge
آخر تحديث: 20 نوفمبر 2026
الخلاصة
ETA Bridge برنامج بيشتغل على جهازك انت. بيانات شركتك وفواتيرك وكلمات السر بتتحفظ على جهازك بس، ومش بنشوفها ولا بنجمعها ولا بنبيعها لأي حد.
البيانات اللي بتفضل على جهازك
- بيانات الشركة، وبيانات الربط بمنظومة الفاتورة الإلكترونية، والمستندات والإقرارات والإعدادات. كلها في فولدر البرنامج على جهازك.
- كلمات السر والمفاتيح السرية بتتحفظ مشفّرة على الجهاز.
- التوقيع الإلكتروني بيتم بالتوكن بتاعك على جهازك، والرقم السري بتاعه مش بيتحفظ.
البرنامج بيتصل بمين
- منظومة الفاتورة الإلكترونية والإيصال الإلكتروني (مصلحة الضرائب المصرية): بالبيانات اللي انت كاتبها، علشان يجيب ويبعت المستندات باسم شركتك.
- Manager.io: لو انت اخترت تربط البرنامج بيه، وبعنوان السيرفر اللي انت كاتبه.
- سيرفر التجربة المجانية (ETA Bridge): أول مرة تبدأ فيها التجربة، البرنامج بيبعت الرقم الضريبي للشركة واسمها وكود الجهاز، علشان نعرف إن الشركة دي خدت تجربتها. السيرفر بيسجّل كمان عنوان الـ IP والدولة. مفيش أي بيانات فواتير أو حسابات بتتبعت.
- Tailscale: لو انت اخترت تفتح البرنامج من الموبايل أو من أي مكان. ده خدمة خارجية ليها سياسة خصوصية خاصة بيها.
- نسخة البرنامج اللي من الموقع بتدوّر على التحديثات على GitHub. نسخة Microsoft Store بتتحدّث من المتجر.
الترخيص
كود الترخيص مربوط بالرقم الضريبي للشركة وكود الجهاز. لما تطلب التفعيل بتبعتلنا كود الطلب بنفسك على الإيميل، وده فيه الرقم الضريبي وكود الجهاز بس.
حذف البيانات
تقدر تمسح بيانات البرنامج في أي وقت بمسح فولدر ETABridge من حسابك على الجهاز. ولو عاوز نمسح سجل التجربة الخاص بشركتك من سيرفر التجربة، ابعتلنا إيميل.
التواصل
mohamed.khalid9941@gmail.com
Privacy policy (English summary)
ETA Bridge runs on your own computer. Your company data, documents, credentials and settings are stored only on your PC (secrets are encrypted) and are never collected, shared or sold by us.
- The app connects to the Egyptian Tax Authority e-invoicing / e-receipt systems with the credentials you enter, to your own Manager.io server if you choose to, and optionally to Tailscale for remote access.
- When a free trial starts, the app sends the company tax number, company name and a device code to our trial server (which also logs IP address and country) to allow one trial per company. No invoice or accounting data is sent.
- The website build checks GitHub for updates; the Microsoft Store build is updated by the Store.
- Delete local data by removing the ETABridge folder in your user profile. To remove your trial record, email us.
Contact: mohamed.khalid9941@gmail.com